أفكار جديدة :)

السلام عليكم, إزيكم عاملين إيه :)

أنا أسف المقالة ديه بالعامية لإنى عايز أقول إللى أنا حاسس بيه

أنا كنت مسافر لمدة إسبوع ورجعت النهار ده .. السفرية دى غيرت فيا بعض الأفكار إللى كنت فاكر إنها مسَلمات ومش هتتغير أبداً

أنا كنت قاعد بفكر فى موضوع الجواز وإنه إزاى هيقيد حريتى ويدمر أحلامى  وحياتى :D

تقريبا كل يوم بفكر فى الموضوع ده لإنى ساعات كتير بحس إنى وحيد وعايز حد جنبى يساعدنى وأوصل إلى إنى مش هتجوز دلوقتى أو أرتبط وهقعد أركز فى الشغل فقط

المهم رحت أصلى الجمعة والخطيب كان بالصدفة بيتكلم عن الزواج .. سبحان الله :)  وبيتكلم عن تفسير الأية دى:  رَبَّنَا آتِنَا فِي الدُّنْيَا حَسَنَةً وَفِي الآخِرَةِ حَسَنَةً وَقِنَا عَذَابَ النَّارِ   – البقرة:201

أنا بسذاجة كنت فاكر حسنة الدنيا هى العربية الغالية والفيلا الكبيرة والمنصب الحلو .. إلخ

لكن الشيخ تكلم عن حسنة الدنيا وقال هى الزوجة الصالحة, بصراحة أنا أول ما قال الكلمة دى زى ما أكون فقت كدة!  وركزت قوى فى الكلام إللى قاله بعد كدة

النتيجة إنى قررت إنى مش هقفل الباب يعنى لو لقيت فعلا إنسانة كويسة وحسيت إن هى دى فعلا الإنسانة إللى ممكن أعيش معاها أساعدها وتساعدنى, يبقى هتقدملها إن شاء الله لو الظروف سمحت :)

تانى حاجة حصلت لى إنى كان بقالى 4 أيام مفتحتش الكمبيوتر كنت شغال على الموبايل بس, فكان فى وقت فاضى كتير .. فى الوقت الفاضى ده قعدت أقرأ وأتأمل فى الطبيعة أكثر .. كنت بقعد أتفرج على الشمس وهى بتشرق من البحر وباليل كنت بنام على الأرض وأتفرج على النجوم :)

التأمل فى الطبيعة يعطيك تعريف لمعانى لا يمكن وصفها مثل العدل, الجمال والرحمة وكل هذه المعانى التى تجعلك تشعر أنك أقرب إلى الله سبحانه وتعالى.. عكس حياة المدينة التى تعيشك فى عالم وهمى

القرار إللى خدته إنى لازم أفصل نفسى عن التكنولوجيا شوية ويكون فى وقت أقضيه مع نفسى سواء فى القرأة,أو الرياض ..إلخ المهم أى حاجة مفيهاش تكنولوجيا

وأخر قرار أخدته إنى لازم أسافر أكتر :) فعلا السفر مفيد

Travel

2 thoughts on “أفكار جديدة :)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s