مصر لما حلمت – شعر عن الوضع الحالى

ياه ده الحب ده أعمى والعين ديه نعمة

والنار لما تسخن تلسع لكن شكلها أحلى

ومصر لما حلمت قالوا ده تمرد ديه كفرت

هى إللى هجرت ولادها وإنتحرت

إحنا من غيرنا تولع..مبارك عليكم الرخاء

إحنا المستقبل وكل ما دوننا دمار

ولو مشينا هتعرف يوميها فعلا قيمتنا

عايزين ديمقراطية ؟

خلى الديمقراطية تخربها

 

يا مصر صفاه

يا مصر إنتباه

إحنى الجباه

إسجدى وإركعى وسبحى الطغاة

 

أيوة  يا حبيبى مصر قلبها كبير

بس من كام سنة وهو فاضى

ودموعها دموع رمادى

كرامة إيه وعدل إيه ؟

إنت مش فاهم..أصلها من طين

مش زى باقى الحريم

مش حلوة وشقرة

وعينها ملونيين

 

يا مصر..إحلمى

إفردى جناحك وإحلمى

أنا روحك أنا قلبك

أنا عروقك أنا طينك

أنا إللى بالحرية دهنت ولادك

جواهر سمرة

جواهر بتنور

فى عز الليل تعمى الضلمة

إيه مالك زعلتى ولا إيه

تعالى فى حضنى أفكرك

إنتى كنتى إيه

 

نيلك القمحى جارف فى وش الطغاة

وولادك أسود مع كل الغزاة

حلمك إتحقق والحلم جميل

إزاى المركب تغرق فى حضنك يا نيل

قلبك إتملى ومن الحب بيفيض

أرض الرسل  وعمرك دوما يزيد

مصر ولادة لعيالها

أوعى يغرك جمالها

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s