الرئيس القادم لمصر

السلام عليكم

إزيكم عاملين إيه : )

فاتت سنة على الثورة ولم نفرح إلا قليلا وكل يوم يعدى كنت بفقد ثقتى فى كل شئ أكتر

المجلس العسكرى خائن ولازم يتحاكم على الجرائم إللى حصلت تحت مسئوليته والقضاء متواطئ والإخوان ومعظم السياسيين بيستهبلوا رسمى ولو فضلوا كده ومعدلوش نفسهم هيبقو بالنسبة لى خائنين.

القضاء فى جيب المجلس العسكرى.. إفتكر محاكمة مبارك وأعوانه وتمثيلية المعونة الأمريكية.

مجلس الشعب فى جيب المجلس العسكرى..مش محتاجة كلام أصلا.

هل المجلس العسكرى هيرضى يجى رئيس يعارضه ؟ لا طبعا

طيب مين إللى بيراقب على إنتخابات الرئاسة..القضاء النزيه D:

تعلالى بقى فى المادة 28 من الإعلان الدستورى

مـــادة 28

تتولى لجنة قضائية عليا تسمى ” لجنة الانتخابات الرئاسية “ الإشراف على انتخابات رئيس الجمهورية بدءاً من الإعلان عن فتح باب الترشيح وحتى إعلان نتيجة الانتخاب.
وتـُشكل اللجنة من رئيس المحكمة الدستورية العليا رئيساً ،وعضوية كل من رئيس محكمة استئناف القاهرة ،وأقدم نواب رئيس المحكمة الدستورية العليا، وأقدم نواب رئيس محكمة النقض وأقدم نواب رئيس مجلس الدولـة.
وتكون قرارات اللجنة نهائية ونافذة بذاتها، غير قابلة للطعن عليها بأي طريق وأمام أية جهة، كما لا يجوز التعرض لقراراتها بوقف التنفيذ أو الإلغاء، كما تفصل اللجنة في اختصاصها، ويحدد القانون الاختصاصات الأخرى للجنـة.
وتـُشكل لجنة الانتخابات الرئاسية اللجان التي تتولى الإشراف على الاقتراع والفرز على النحو المبين في المادة 39
تعالو نشوف حتة حتة:
رئيس لجنة الإنتخابات الرئاسية هو فاروق سلطان..مين بقى هو, تعالو نضحك شوية 

-كان قاضيا بالقضاء العسكري وخرج من القوات المسلحة برتبة مقدم لينتقل الى القضاء المدني-تم تعيينه بقرار جمهورى من المخلوع مبارك رئيسا للمحكمة الدستورية العليا فى عام 2009 وقد لاقى هذا التعيين انتقادات واسعة من قبل قضاة ومحامين، حيث جاء هذا التعيين مخالفا للأعراف القضائية حيث إن العرف جرى على تعيين أقدم مستشارى المحكمة الدستورية فى منصب رئيس المحكمة الدستورية العليا إلا أن مبارك اتخذ قرارا مضادا وعينه.

لو عايزين تعرفو أكتر إدخلوا على : http://mema-qara2t.blogspot.com/2012/03/blog-post_05.html
وبعدين  بقى قرار اللجنة لا يجوز الطعن فيه حتى لو حصل تزوير رسمى وبالأدلة !
بس كدة, فإحنا عارفين كدة كدة مين الرئيس القادم
أنا غالبا هقاطع الإنتخابات لأنه لو إنتخبت فده معنا إنى بعترف بشرعية الرئيس الطرطور القادم 
هل فى ناس محترمة مترشحة للرئاسة, أيوة طبعا فيه لكن الناس ديه مش هتكسب فى ظل النظام الفاسد ده

2 thoughts on “الرئيس القادم لمصر

  1. كلام سليم ..أنا سمعت كلام من ده كتير ..و سمعت كمان بظبط النهاردة : “مهما حصل عمرنا ما هننجح ..لأن أمريكا مش هسبنا نعمل حاجة غير بأذنها ”

    و الكلام بتاعك أو بتاعهم سليم بالورقة و القلم ..لكن ” و يمكرون و يمكر الله ” و الله هو خير الماكرين :)

    و الله هو القادر و هو الملك :) و الواحد ..فمينفعش نتعامل مع البشر على أنهم أقوى من الله .. :)

    هتقاطع الأنتخابات ..طب و بعدين ..هتعمل أيه ..لو مش هتعمل حاجة و خلاص ..يبقى بقينا زي بني أسرئيل لما كانوا شيفين أنهم أكيد هيخسره لو حربوا ..فقالوا لرسولهم اذهب أنت و ربك :)

    فيه ناس تستحق أننا نجربها مرشحة نفسها و الناس دي هتكسب و بكرة تشوف :)
    هما بس هيبقوا عملين له مية مصيبة توقفه :) أنما أتنا أكتب لها العزة من تاني خلاص :)

    و لا غالب إلا الله في جميع الأحوال :)

    ده رأيي :)

  2. أنا فكرت كتير فى إللى إنتى قولتيه وشفت رأى صحابى وإكتشفت إن عندكم حق وأنا هكتب مقالة هقول فيها أنا بدعم مين وليه :)
    شكرا

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s