مصطلحات سياسية بطعم التقلية ظهرت بعد أحداث الثورة المصرية

فى مصطلحات ظهرت هوبة كدة مرة واحدة بعد الثورة وكل الجرايد بقيت تتكلم بهذه المصطلحات دون تعريفها..فأنا هتكرم وأعرفها من خبرتى الرهيبة لأنى فقيه حيادى متحلل إستراتيجى مخضرم بإنحياز..

أنا مش قصدى أسخر من حد معين فى ناس فعلا بيطلع عينيها وبينزلوا كل يوم يصوروا الأحداث إللى بتحصل ودول على راسى من فوق..أنا هنا بتكلم عن الإعلام وطريقة تفكيره النمطية فى تصنيف الناس وإثارة الرعب فى المجتمع لإن من مصلحته الناس تبقى خايفة ومرعوبة وبتقرقض ظوافرها عشان لو خايفين هيشتروا جرايد أكتر وأكيد هيتفرجوا على التليفيزيون أكتر…لو عندكوا قرايب برة مصر كلمهوهم هتلاقوهم مرعوبين وفكرين إن إحنا قاعدين بندبح فى بعض  وجو النينجا ترتر ده  : )

كل مصطلح بيتقال بيولد صورة نمطية معينة فى دماغك..مش كل الصور النمطية غلط بس معظمها غلط فياريت بعد متقرا المقال ده لو سمعت أى مصطلح تقول ده فايدته إيه أو هيفرق معاية فى إيه فى تحليلى للخبر؟

أنا مبحبش المصطلحات لأنها تجعل الإنسان ذو بعد واحد وسهل التنبوء بأفعاله مثلا:

ليبرالى:” أه يعنى بتشرب خمرة ومش مربى لحية”..إلخ أنا بحب أسأل الإنسان عن أفكاره لأن كل إنسان مختلف عن الأخر كل سلفى مختلف عن الأخر..كل ليبرالى مختلف عن الأخر..كلنا مختلفين

نيجى للمصطلحات بقى ;)

شباب الثورة

 أى واحد شاب طالع فى برنامج توك شو وماسك قلم بك فى إيده وهو بيتكلم وتلاقيه كدة بيقول كلام حلو زى “ركود المناخ السياسى”  و”لن نرضخ” و”سنرويها بالدماء” و”ونحن فى خضم المعركة”

شباب التحرير

 ماسك ولااعة وسيجارة فى إيده ,دقنه مش محلوقة عن عمد..

ائتلاف شباب الثورة

 إختلاف شباب الثورة


ناشط سياسى

 أى واحد يكتب على تويتر (18+) ويخلص أى جملة بشتيمة قبيحة..

السلفيين

 أى واحد مسلم مكشر بدقن..إوعى يكون بيضحك ! عشان لو ضحك مش هيبقى سلفى

بلطجية

 الفقراء..العيال إللى معنديهاش فيسبوك فالبيت ,الله يمسيك بالخير

الفلول والأذناب والذيول

 كلهم شبه بعض معرفش ليه D:

عجلة الإنتاج

الإنتاج كدة كدة واقف بس لما يكون فى إعتصام بيطلع الإعلام ويقول كدة عجلة الإنتاج هنقففففف إلحقوناااا قبل ما العجلة تقففففف وإحتياطى مصر هيخلص كمان 6 شهههههووورر !!! أنا أسف يا عبلة الشعب يريد إستمرار العجلة D:

ويتبع هذا المصلحت كلمات تعبيرية جميلة مثل:

  • حرام عليكو خربتوا البلد
  • كفاية يا بتوع التحرير
  • عجلة التنمية يا جماعة
  • إسرائيل على الحدود
  • مفيش بيتزا
  • البلد بتنهااار
  • هنموت من الجوع

النخبة

الناس إللى فاهمين قوى ولابسين بدل غالية قوى..ولازم تسمع كلامهم لإن هما فاهمين قوى

فراغ دستورى

 إنت إزاى عايش كدة وفى فراخ دستورى ؟؟ روح يابنى إلحق نفسك .. إنت مستنى إيييه !!

الثورة المضادة

 العفريت أبو رجل مسلوخة عووووو

الملثمون

 ناس أشرار خالص خالص وبيحبوا الدمار والخيار وساعات فى التفاريح بيفجروا خط الغاز إللى بينا وبين الأردن وإسرائيل

الملتفون حول الثورة

 ولاد عم الملثمون

المرشح المحتمل

 زى لما طروح مطعم وتقولو عايز واحد سندوتش محتمل يا زميلى

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s