إحصائيات عن الملحدين العرب

أنا بحترم الملحدين فى إنهم شغلوا مخهم وفكروا بغض النظر عن إيه إللى وصلوا له نتيجة التفكير ده. بحترمهم لأنهم لم يقولوا نحن  نتبع ما ألفنا عليه آبائنا أو إحنا مسلمين عشان عائلاتنا مسلمة .. هم وقفوا فى وجه التقاليد وفكروا.

بختلف معاهم إختلاف تام ولا أتحاور مع من يسخر من دينى أو افكارى أنا فقط أتحاور مع الملحدين المحترمين الذين يريدون مثلى ان يصلوا للحقيقة وليس لكى يحققوا شهوة الإنتصار فى جدال.

المقالة المتواضعة ديه هتحاول تجاوب عن سؤال كان نفسى أعرف إجابته وهو كم عدد الملحدين العرب وهل هم فى إزدياد ؟ وبردو هحاول أجاوب عن سؤال إذا كان الملحديين ظاهرة جديدة أم هى ظاهرة القديمة تعرض لها القران ؟

السؤال ده إجابته مهمة جدا لأن الملحدين  معظمهم نشيطين جدا ومثقفين وبيكتبوا مقالات كتير وبيترجموا فيديوهات كتير ة ..  وسيكون لهم تأثيرا قويا على المجتمع لأنهم نشيطين ويتكلمون بلغة العلم.

قبل ما أبدأ المقالة لازم أوضح بعض المصطلحات عشان الأمور متبقاش ملتبسة على بعض القراء.

المصطلحات

  • الإلحاد (Atheism)

 وصف لأي موقف فكري يرفض التصديق بوجود صانع (خالق وفق الفهم الديني) واعي للوجود، أو بوجود “كائنات” مطلقة القدرة (الالهة)، والالحاد بالمعنى الواسع هو عدم تصديق بوجود هكذا كائنات (الالهة) خارج المخيلة البشرية.

  • الملحد (Atheist)

 واحد بيقول مفيش خالق لهذا الكون.

  • الاأدرية (Agnosticism)

  توجه فلسفي يقول أن القيمة الحقيقية للقضايا الدينية أو الغيبية غير محددة ولا يمكن لأحد تحديدها. ان قضايا وجود الله أو الذات الإلهية بالنسبة لهم موضوع غامض كلية ولا يمكن تحديده في الحياة الطبيعية للإنسان.

  • الاأدرى(Agnostic)

 واحد بيقول معرفش فى خالق للكون أو مفيش وفى الحالتين مش فارقة معايا.

  • اللادينية (Irreligion)

  اتجاه فكري يرفض مرجعية الدين في حياة الإنسان ويؤمن بحق الإنسان في رسم حاضره ومستقبله واختيار مصيره بنفسه دون وصاية دين أو الالتزام بشريعة دينية. اللادينية هى نفس فكرة العلمانية.

  • اللادينى (Irreligious)

 واحد يؤمن أن الدين علاقة شخصية بين الإنسان وربه ولا يجب فرضه على المجتمع. ليس كل لادينى ملحد لكن كل ملحد لادينى.

موقف القرأن منهم

أنا أعتقد أن الملحدين واللاأدرين والادينيين جاء ذكرهم فى القرأن وده تحليلى ويمكن يكون غلط.

الملحدون هم الدهريون الذين قالو:

وقَالُوا مَا هِيَ إِلَّا حَيَاتُنَا الدُّنْيَا نَمُوتُ وَنَحْيَا وَمَا يُهْلِكُنَا إِلَّا الدَّهْرُ وَمَا لَهُمْ بِذَلِكَ مِنْ عِلْمٍ إِنْ هُمْ إِلَّا يَظُنُّونَ

اللاأدريون هم الذين فى غفلة حسب التعبير القرأنى:

يَعْلَمُونَ ظَاهِرًا مِنَ الْحَيَاةِ الدُّنْيَا وَهُمْ عَنِ الْآَخِرَةِ هُمْ غافلون

اللادينيون هم قوم شعيب:

فقد كان ينهيهم شعيب عليه الصلاة والسلام عن الغش فى التجارة:

فَأَوْفُوا الْكَيْلَ وَالْمِيزَانَ وَلا تَبْخَسُوا النَّاسَ أَشْيَاءَهُمْ وَلا تُفْسِدُوا فِي الأَرْضِ بَعْدَ إِصْلَاحِهَا

ردوا عليه بسخرية كأنهم يقولون ما علاقة الدين بمعاملتنا التجارية .. وقالوا:

قَالُوا يَا شُعَيْبُ أَصَلاتُكَ تَأْمُرُكَ أَنْ نَتْرُكَ مَا يَعْبُدُ آبَاؤُنَا أَوْ أَنْ نَفْعَلَ فِي أَمْوَالِنَا مَا نَشَاءُ إِنَّكَ لأَنْتَ الْحَلِيمُ الرَّشِيدُ

الإحصائيات

أنا حاولت أجيب أشهر الصفحات على الفيسبوك واليوتيوب والمواقع المعروفة .. أنا مفترض فى الإحصائيات ديه إن الملحدين واللأدرين واللادينين حاجة واحدة.

الصفحات على الفيسبوك

  1. الحوار المتمدن(معظمهم لادينيين) – 500,000 likes
  2. ملحد وأفتخر – 1143 likes
  3. سخرية الفكر الدينى – 2,953 likes
  4. الملحدون السودانيون – 711 likes
  5. الملحدون التونيسيون – 2,606 likes
  6. نظرية التطور – 10,188 likes
  7. القردة العليا – 2,100 likes
  8. مدونة مجرد إنسان –  10,635 likes
  9. السعوديون – 882 likes
  10. فيسبوك العلمانية (معظمهم ملحدين) – 58,609 likes

المواقع

  1. الحوار المتمدن – 70 ألف زائر يوميا .. عدد الكُتاب للمقالات 18 ألف كاتب
  2. إلحاد – 10 ألاف زائر يوميا .. 14 ألف عضو
  3. شبكة اللادينيين العرب – 4 ألاف زائر يوميا .. 7000 عضو

اليوتيوب

  1. مترجمات العلم والفلسفة – 1,485,000 مشاهدة – 3800 مشترك
  2. المنطقة الحرة – 1,410,000 مشاهدة – 1290 مشترك
  3. تليفزيون الإلحاد – 350 ألف مشاهدة .. 1240 مشترك
  4. أنتى جوبلز – 400 ألف مشاهدة .. 1460 مشترك
  5. شاكوش – 720 ألف مشاهدة – 1000 مشترك
  6. أنا أفكر – 150 ألف مشاهدة .. 1000 مشترك
  7. التنوير – 88 ألف مشاهدة .. 1000 مشترك
  8. المصرى الملحد – 160 ألف مشاهدة .. 845 مشترك
  9. بهاء – 56 ألف مشاهدة – 315 مشترك
  10. على – 23 ألف مشاهدة – 245 مشترك
  11. مردوخ – 10 ألاف مشاهدة .. 350 مشترك
  12. نزار النهرى – 1,200,000 مشاهدة .. 200 مشترك

تحليل الإحصائيات

أنا لست خبيرا فى تحليل الإحصائيات لكنى سأحاول أن أكون منطقيا فى تقديراتى.
على الفيسبوك يوجد 50 ألف ملحد عربى.
على اليوتيوب يوجد 10 ألاف حساب شخصى لملحدين عرب.
يترددد على مواقع الإلحاد تقريبا 80 ألف شخص لنقل أن نسبة الملحدين فيهم 80% إذا فعدد الملحدين العرب الذين يترددون على تلك المواقع هم 64 ألف شخص.
إذا فإن عدد الملحدين النشطاء على الإنترنت والمجهرين بإلحادهم تقريبا 100 ألف شخص. وهناك نسبة لا تقل عن الضعف ملحدين خائفين من الإجهار بإلحادهم.
إذا فأنا أعتقد من وجهة نظرى المتواضعة أن عدد الملحدين فى العالم العربى هو رقم يتراوح بين ال 250 – 300 ألف شخص.
وأنا من تعاملى اليومى على تويتر كل يوم تقريبا بشوف واحد ملحد أو على حافة الإلحاد لذلك أرى أنهم  فى إزدياد سريع جدا بين الشباب.
تنبيه: كل هذه الأرقام من توقعاتى يمكن تكون صح أو غلط.
المناقشة مفتوحة.

5 thoughts on “إحصائيات عن الملحدين العرب

  1. =D Bema en el Munksha Maftu7aa =D
    2wlan =D ana Kaman ba7tram 3aqlithum (23’lban ya3ni ) – wa howa el Mul7ed eli mul7ed 3shan lesa bydwr ! ..3shan lesa by7wel yefham ..ye7wel ye3rf ..
    Lakken fe mul7din tanin :)mul7din , 3shan Rafdin en yekun fyh restrictions mn 2y no3 ..bem3na..h3ml nafsy mesh wa5d bali :) ..dah 23’lban law 2klmt m3h , byzm fe el deen wa mby3rfesh yeklm btry2a hyadiya :) dah ymkn el no3 eli mb7trmesh 3qlitu awy :D

    El wa6an el 3arby mby2blesh el 2l7ad =D wa dah 6abi3i XD ..lakken lama tel2i wa7id b2a Muslim wa howa kan jewish wala christian wala whatever ..hn2dar el 3aqlya di =D el 3aqlya eli zy m2wlt mesh mashia wara eli 2trbt 3lih wa khallas :)

    Lakken bardo =D ana 23tqd , en fe el mant2a bt3t el khlig :) ..2ktr el mul7din fyha , 2l7ad GAHAl :) ..ana already wa7da mn su7abi now from kuwait , sabab m3rfty byha enha kanet nawya tel7ed (7aga 2wryba mn keda) wa she decided to search for someone to speak with =D wa b3d mklmna youm wa7id bas =D now heya eli fakrtni besyam 3shwra :) ..wa m3 en ana m2wltlhash 7aga gdeda , wala kount 3rfa 7aga m7desh ye3rfha :) bs now3an ma wad7 en fe el khalig el 3elm el diny sat7y shwya ..fe el mogtm3 el youmi 3an masr :) ..Lakken el fekra enha kanet klmt wa7id mol7id..wa howa eli b2a by7klha 3an dinha :) ..fa b2a mesh bas gahal , enma m3lomat mn bara ghlt =D

    23’lb el mul7din , sahl enhom yerg3u muslmin law l2u muslmin sa7

    7adrt lecture before la Yusuf Estas wa 2al fyha : Islam educated me that if i found something better than it , to go for it :) ..yet i never found

    fa lama el 7ewar m3hum yeb2a 3ala asas 3elmi , mantqy , logical..el mwdo3 hyt7sen ..enma 6wl ma el mwdo3 ..3eb wa mys7esh =D fa hyzid akeed :)

    thaanks 3ala el topic el 7elw keda =D wa btw i think 3dadhom 2ktr mn keda :)

    1. la2 i didn’t study it zayk 3shan 2a2wl =D bas i mean e7na kteer awy asln ..fa law kano el rakam dah bas , mknash hnshofhum awy keda

      wa aha sorry 3ala el long comment :)

  2. انا ملحد ايضا واشكرك على ادبك هنالك مواقع الحادية اخرى نسيت ان تضعها كموقع لا اله الا العقل ومواقع اخرى ايضا

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s