أفضل رئيس لمصر

يعتقد البعض إن لو مسكنا شخص عنده ضمير..هوبا هنصحا تانى يوم الصبح والبلد هتبقى تمام الناس كلها بتضحك والشجر  أخضر بيلمع والحمام بيحلق فى السماء وهنبوص فوق ونلاقى سحابة على شكل سمايلى فيس..دايما بندور على السوبرمان الرجل الشماعة اللى هنعلق عليه  كل مشاكلنا ونهرب إحنا ولو محلهاش كلها يبقى عميل.

ماشى فى فعلا مشاكل بيعتمد حلها تماما على مين إللى هيمسكنا زى النظام..أيوة لو مسكنا حد عنده ضمير هيبقى فى فعلا نظام أصل المشكلة الكبرى عندنا إن محدش بيحترم القانون..عرفين ليه ؟؟

عشان القانون بيطبق على الفقراء والغلابة وفى نفس الوقت بيسهل الفيزا للحرامية الكبار عشان يهربوا برة مصر ويبعلهم أراضى ب5 جنيه الفدان..

فى حاجات كتير بقى ملهاش علاقة بمين هيمسكنا  أو القانون والحاجات ديه هى أخلاقنا.

أفضل رئيس لمصر هو نفسك..صلح نفسك والبيئة اللى حواليك هتتصلح.

كفاية بقى كلام “الناس كلها زى الزفت”

طيب بس لنفسك فى المراية

إنت لو حد من عيلتك غلط هت قول “ديه عيلة كلها زى الزفت”..أكيد مش هتقول كدة وهتحاول تنصح الفرد اللى عمل الغلط..ليه؟؟

عشان إنت بتحبه

فإلى بيقول  “الناس كلها زى الزفت” يبقى أكيد ميبحبش الناس دى ومش شايف إن المجتمع جزء من عائلته بالعكس ده ممكن يكون بيعتبر المجتمع هو العدو.

 “تيجو نقول الناس زى الفل المشكلة فية أنا لازم أصلح نفسى الأول”

إنشغلنا بعيوب الناس ونسينا عيوبنا

One thought on “أفضل رئيس لمصر

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s